احلى حمام مغربي فالبيت........لوجربتيه اتحداك تستغنين عنه.(تجربة شخصية)

مساء الخير .............

لانكم ومنتداي الغالي عزيزين علي حبيت افيدكم بطريقتي فالحمام المغربي.فالبيت........لكن والله يابنات انه احسن من شغل الصالونات بالف مرة..............
وعلى فكرة اناماخذة الطريقة من خبيرة للحمام المغربي بقطر(((اللي القطريات مايستغنون عنه))))) ما الومهم ..

ما اطول عليكم........
اول شي لازم تكونين حافة جسمك كاااااااااااااااااامل (يعني كل شبر...امام والخلف والرقبة والصدر والبطن والضهر كل شي كل شي)..وانصحك ...انصحك بالحلاوة المصرية لانها تنزع الشعر زين من جذورة وتشيل الخلايا الميتة.لاحلاوة هندية ولا ماكينة نزع الشعر
بعدها اقعدي فالبخار ربع ساعه عشان تنفتح كل مسامات جسمك.....اللي ماعندها بخار فالبيت ..تستخدم حقيبة الساونا المتنقلة...او تفتح الماي الحار فالحمام.اهم شي تعرضي للبخار ربع ساعة.
الحمام المغربي يعتمد اساسا على الفرك...بالليفة المغربية طبعا.......لان اللي ينعم ويلمع البشرة هو الفرك اللي يزيل الخلايا الميتة والباهتة من على الجلد .......وبالتالي لمعه ونعومة مبهرة......

طبعا بعد البخار ...وبعد ما تنفتح كل مسامات الجلد يوضع الصابون المغربي ويدلك الجسم فية.كامل .......بعدين تغسلين جسمك عدل من الصابون(ماتفركين الجلد والصابون فية ) لا هذي الطريقة خطا....

تفركين الجسم وهونظيف من الصابون بالليفة المغربية (وتفركين بقوة) او خلي احد يفرك لك عدل عشان الخلف صعب نوصل له ((( يعني الزبدة الفرك العدل ) وهو اساس المغربي لين تشوفين الخلايا تنزل ........بعدها تغسلي بماي بارد ......واستخدمي بعدها اي سكرب (وانصحك بسكراب البودي شوب خاصة البابايا او الباشن فروت) بعدين اغسلي بالشور جل حق البودي شوب طبعا .....وبعد ماتطلعين من الحمام وجسمك مبلول حطي لوشن فازلين الاصفر بزيادة في كل جسمك ((( كلمة روعة شوي عليه) )) مسوي صيحة عندنا ) ) بعد ماتضيفين عليه المسك السائل وهذي طريقتي الشخصية .

وبعد ما تتنشفين ..تبخري بالعود وتعطري ...وابهري زوجك وكل من حولك ...........وصدقيني ماراح تستغنين عن هالطريقة ........
وانشالله بتدعين لي .....

موضوع روووووووووووووعه وذووووووووووق


تسلميـــــــــــــــــــن والله

شاكر مرورك

يعطيك الف عافيه يااقلبي